ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន ថាសម្ដេចគឺជាអ្នកជ្រើសរើសឈ្មោះដាក់ឲ្យកូននិងចៅ ស្ទើរតែពាក់កណ្ដាល។ ការនេះហើយធ្វើឲ្យសម្ដេចងាយចងចាំឈ្មោះរបស់ពួកគេ។
តាមរយៈការបង្ហោះលើហ្វេសបុកផេក របស់សម្ដេចនៅព្រឹកថ្ងៃទី០៩ ខែតុលា ឆ្នាំ២០២២នេះ សម្ដេចតេជោបានអបអរសាទរថ្ងៃកំណើតចៅប្រុសទី២០ ដែលមានអាយុ ៥ឆ្នាំនៅថ្ងៃនេះ ដោយអមនូវសំណេរថា៖ «ចៅប្រុសទី២០ ខួបកំណើតគម្រប់៥ឆ្នាំ នៅថ្ងៃនេះ។ កូននិងចៅច្រើនពេកចាំថ្ងៃខែឆ្នាំកំណើតមិនអស់ទេតែចាំឈ្មោះច្បាស់ព្រោះប្រហែលជាងពាក់កណ្តាលនៃចៅ និងកូនទាំងអស់ខ្ញុំជាអ្នកដាក់ឈ្មោះឲ្យពួកគេ»។
គួរឱ្យដឹងផងដែរថា បច្ចុប្បន្ននាយករដ្ឋមន្ត្រីកម្ពុជា សម្ដេចតេជោ ហ៊ុន សែន មានបុត្រា បុត្រី ចំនួន ៥នាក់ និងមានចៅបង្កើតចំនួន ២២នាក់៕
